काठमाडौं — पशुपतिनाथ मन्दिर क्षेत्र तोडफोड गर्न अराजक समूह प्रवेश गरेपछि सो स्थानमा नेपाली सेनाको टोली खटाइएको छ।

जेनजी नेतृत्वले यो घटनामा आफ्नो संलग्नताअस्विकार गर्दै आन्दोलनमा घुसपैठ भएको दाबी गरेका छन्। एक प्रदर्शनकारीले भने, “हामीले यति धेरै आगजनी गरेर रातभर अराजकता मच्चाउने योजना कहिल्यै बनाएका थिएनौँ। हाम्रो मागअनुसार परिस्थिति अघि बढिरहेका बेला केही अराजक जत्थाको घुसपैठ भएको उनीहरुले बताएका छन्।

जेनजी नेतृत्वले राष्ट्रपतिले आह्वान गरेको वार्तामा सहभागी भएर समस्या समाधान गर्न तयार रहेको बताएका छन्। साथै, नयाँ परिस्थिति सिर्जना भइसकेको भन्दै सरकारी सम्पत्तिमा आगजनी र तोडफोड नगर्न सबैलाई आग्रह गरेका छन्।