काठमाडौँ — जेनजी प्रदर्शनका क्रममा मृत्यु हुनेको संख्या १८ पुगेको छ। ट्रमा सेन्टरमा उपचाररत घाइते मध्ये हालसम्म सात जनाको मृत्यु पुष्टि भएको छ।

त्यहाँ ५० जनाको उपचार भइरहेको छ, जसमध्ये ४ जनाको अवस्था गम्भीर छ।

एभरेस्ट अस्पतालमा पाँच जनाको ज्यान गएको छ भने सिभिल अस्पतालले तीन जनाको मृत्यु पुष्टि गरेको छ। काठमाडौँ मेडिकल कलेजमा दुई र टिचिङ अस्पतालमा एक जनाको मृत्यु भएको अस्पतालका प्रवक्ता डा. गोपाल सेडाइँले जानकारी दिएका छन्।

अहिलेसम्म मृतकहरूको परिचय सार्वजनिक गरिएको छैन। मृत्यु हुनेमध्ये स्कुले बालबालिका समेत रहेको बताइएको छ।

काठमाडौँका विभिन्न अस्पतालमा अहिले पनि २०० भन्दा बढी घाइतेहरूको उपचार भइरहेको छ।