टोकियो – जापानी प्रधानमन्त्री शिगेरु इशिबाले पदबाट राजीनामा दिने निर्णयको घोषणा गरेका छन्।

इशिबाको राजीनामा सत्तारुढ लिबरल डेमोक्रेटिक पार्टी भित्र थप विभाजन रोक्नको लागि गरिएको बुझिएको छ। सबै लिबरल डेमोक्रेटिक पार्टीका सांसदहरू र क्षेत्रीय पार्टी शाखाहरूबाट प्रारम्भिक नेतृत्वको लागि चुनाव गर्ने कि नगर्ने भन्ने बारे निर्णय भने हुन बाँकी छ।

जुलाईको संसदीय चुनावमा इशिबाको नेतृत्वमा रहेको लिबरल डेमोक्रेटिक पार्टीले दुवै सदनमा बहुमत प्राप्त गर्न असफल भएपछी इशिबालाई सो हारको जिम्मेवारी लिन र राजीनामा दिन पार्टी भित्र व्यापक दवाव बढेको थियो।

लिबरल डेमोक्रेटिक पार्टीले सोमबार विशेष नेतृत्व प्रतिस्पर्धा गर्ने कि नगर्ने भन्ने निर्णय गर्ने तयारी गरिरहेको छ। शनिबार, इशिबाले पूर्व प्रधानमन्त्री योशिहिदे सुगा र कृषि मन्त्री शिन्जिरो कोइजुमीसँग भेट गरेका थिए र सो भेटमा उनलाई पार्टी एकतालाई प्राथमिकता दिन आग्रह गरेपछि उनले राजीनामा घोषणा गरेका हुन्।