काठमाडौं — जिल्ला अदालत काठमाडौंले राष्ट्रिय स्वतन्त्र पार्टीका केन्द्रीय सदस्य डा. अरनिको पाँडेलाई धरौटीमा रिहा गर्न आदेश दिएको छ।

पाँडे बुधबार सामाजिक सञ्जालमार्फत एक महिलालाई गालीगलौज गरेको आरोपमा पक्राउ परेका थिए। अनुसन्धानका लागि अदालतले उनलाई चार दिनसम्म थुनामा राख्न म्याद थप गरेको थियो।जिल्ला अदालत काठमाडौंका न्यायाधीश ध्रुवराज कार्कीको इजलासले पाँडेलाई धरौटीमा छाड्न आदेश जारी गरेको हो ।

डा. पाँडे २०७९ साल भदौमा रवि लामिछाने नेतृत्वको राष्ट्रिय स्वतन्त्र पार्टीमा प्रवेश गरेका हुन्। उनले २०८० सालमा रास्वपा सरकारमा रहँदा राष्ट्रिय योजना आयोगको सदस्यका रूपमा पनि जिम्मेवारी सम्हालेका थिए।