काठमाडौँ- सामाजिक सञ्जालमा महिलालाई गालीगलौज गरेको आरोपमा पक्राउ परेका राष्ट्रिय स्वतन्त्र पार्टी(रास्वपा)का केन्द्रीय सदस्य अरनिको पाँडेलाई म्याद थपाको लागि आज अदालत उपस्थित गराउने प्रहरीले बताएको छ।

उनीविरुद्ध एक महिलाले गालीगलौज गरेको उजुरी दिएपछि साइबर ब्यूरोमा हाजिर भएका उनलाई हिजो पक्राउ गरिएको थियो।

उनी राष्ट्रिय योजना आयोगका पूर्वसदस्यसमेत हुन्। २०७९ सालमा रास्वपा प्रवेश गरेका पाँडे २०८० सालमा राष्ट्रिय योजना आयोगको सदस्य बनेका थिए।

साइबर अपराधकै मुद्दामा पक्राउ परेका एमाले केन्द्रीय सदस्य ऐन महर भने बुधबार केही घन्टामै रिहा भएका थिए । उनलाई हाजिरी जमानीमा छोडिएको हो।