काठमाडौँ – सर्वोच्च अदालतले पूर्वप्रधानन्यायाधीश चोलेन्द्र शमशेर राणाविरुद्ध अधिवक्ता यज्ञमणि न्यौपानेद्वारा दायर रिट दर्ता गर्न अस्वीकार गरेको छ। राणाले संसद् विघटनसम्बन्धी फैसलामा हस्ताक्षर गर्न नमानेको आरोप सहित उनिविरुद्द रिट दायर गरिएको थियो ।

रजिष्ट्रार मानबहादुर कार्कीले फैसला तयार र प्रमाणीकरण न्यायिक प्रक्रियाको हिस्सा भएकाले असाधारण अधिकार क्षेत्रअन्तर्गत रिट दर्ता गर्न नमिल्ने बताएका छन् ।

२०७७ पुस ५ मा तत्कालीन प्रधानमन्त्री केपी शर्मा ओलीले संसद् विघटन गरेका थिए, जुन २०७७ फागुन ११ मा राणा नेतृत्वको इजलासले बदर गरेको थियो। तर राणाले उक्त फैसलामा हस्ताक्षर नगर्दा फैसलाको पूर्णपाठ सार्वजनिक हुन सकेको छैन।