काठमाडौँ — बीपी राजमार्गमा बाढी र पहिरोको जोखिमलाई ध्यानमा राख्दै रातिको समयमा सवारीसाधन सञ्चालनमा १५ भदौसम्म रोक लगाइएको छ।

काभ्रेपलाञ्चोक र सिन्धुली प्रशासनको संयुक्त निर्णयअनुसार साँझ ५ बजेदेखि बिहान ५ बजेसम्म निजी तथा सार्वजनिक सवारीसाधन चलाउन नपाइने उल्लेख गरिएको छ ।

प्रशासनका अनुसार देशभर मनसुन सक्रिय रहेकाले वर्षातका कारण कुनै पनि बेला विपद् (बाढी, पहिरो) आउन सक्ने सम्भावना भएकाले थप १५ दिन रातिको सवारी सञ्चालनमा प्रतिबन्ध लगाइएको हो।

यसअघि पनि स्थानीय प्रशासनले ७ असारदेखि नै बाढीपहिरोको जोखिमका कारण साँझ ५ बजेदेखि बिहान ५ बजेसम्म सवारी सञ्चालनमा रोक लगाउँदै आएको थियो।