इजरायलका प्रधानमन्त्री बेन्जामिन नेतन्याहूले गाजामा पूर्ण नियन्त्रण लिन चाहेको योजना सार्वजनिक गरेका छन्।

गाजामा पूर्ण सैन्य कब्जा गर्नेतर्फ नेतन्याहूको योजनाको तीव्र आलोचना भएको छ। आलोचकहरूले उनलाई राजनीतिक अस्तित्व जोगाउनका लागि युद्धलाई बढावा दिएको, जसको मूल्य निहत्था नागरिक र बन्धकहरूले चुकाउनुपर्ने भन्दै आरोप लगाएका छन्। मानवअधिकार समूहहरूले यस्तो कदमले मानवीय संकटलाई अझ गहिरो बनाउने, अन्तर्राष्ट्रिय कानुनको उल्लङ्घन गर्ने र भोकमरीको संघारमा पुगेका फिलिस्तिनीहरूलाई अझै ठूलो संख्यामा विस्थापित गर्ने चेतावनी दिएका छन्। उनका विरोधीहरूले यो रणनीतिले व्यवहारिक विकल्पहरूलाई बेवास्ता गर्ने, अस्थिरता बढाउने र इजरायली–फिलिस्तिनी दुवैको सुरक्षाभन्दा व्यक्तिगत र राजनीतिक स्वार्थलाई प्राथमिकता दिएको समेत बताएका छन् ।

युद्धका कारण गाजाको अधिकांश जनसंख्या विस्थापित भइसकेको छ। संयुक्त राष्ट्रसंघका विज्ञहरूले भोकमरीको चेतावनी दिएका छन् भने विश्व स्वास्थ्य संगठनले जुलाई महिनामा बालबालिकामा कुपोषणको दर अहिलेसम्मकै उच्च भएको जनाएको छ। २०२३ अक्टोबर ७ मा हमासको आक्रमणमा १,२०० इजरायली मारिएका र २५१ जनालाई बन्धक बनाइएपछि इजरायलको आक्रमणमा हालसम्म ६१,००० भन्दा बढी फिलिस्तिनी मारिएको गाजाको स्वास्थ्य मन्त्रालयले जनाएको छ।

अमेरिकी राष्ट्रपति डोनाल्ड ट्रम्पले भने, यो निर्णय “इजरायलकै हातमा” भएको बताएका छन्