काठमाडौं – पूर्व राष्ट्रपति विद्या भण्डारी र माओवादी केन्द्रका अध्यक्ष पुष्पकमल दाहाल ‘प्रचण्ड’सँग उनीहरूको निवासमै गएर भेटेका कांग्रेस नेता डा.शेखर कोइरालाले आफूनिकटका सांसदहरुलाई छलफलका लागि डाकेका छन् ।

दरबारमार्गस्थित होटल याक एण्ड यतीमा सांसदहरूलाई नेता कोइरालाले छलफलका लागि बोलाएका र हाल छलफल जारी रहेको उनि नेकिटका एक नेताले बताएका छन्।

पछिल्लो समय कोइरालाले पार्टी बाहिरका नेताहरूसँग छलफलको क्रम तीव्र पारेपछि काँग्रेस केन्द्रिय कमिटीमा यसलाई निकै गम्भीरताका साथ हेरिएको छ। मूल नेतृत्व र गठबन्धन सरकारसंगको असन्तुष्टिले गर्दा यति बेला काँग्रेस पार्टीभित्रै ध्रुवीकरण बढ्दै गएको देखिन्छ।