तेहरानका एक वरिष्ठ सुरक्षा अधिकारीले इजरायललाई सजाय नदिएसम्म र अमेरिकाले इस्लामिक गणतन्त्रको आणविक क्षेत्रहरूमा गरेको आक्रमणको क्षतिपूर्ति नदिएसम्म इरान कारबाही गर्न तयार रहेको बताएको छ।

इजरायली सेनाले गत महिना इरानी सैन्य र आणविक साइटहरूमा गरेको आक्रमणमा इरानका वरिष्ठ कमाण्डरहरू र आणविक वैज्ञानिकहरू मारिएका थिए । १२ दिनको सो युद्ध जुन २४ मा अमेरिकाको मध्यस्थतामा भएको युद्धविरामसँगै समाप्त भएको थियो ।

आणविक वार्ता पुनः सुरु गर्ने वाशिंगटनको अनुरोधलाई सम्बोधन गर्दै, अधिकारीले भने कि तेहरानले स्थायी युद्धविराममा सहमति जनाएको छैन। इरानी सेनाहरू कुनै पनि थप आक्रमणको जवाफ दिन पूर्ण रूपमा तयार रहेको भन्दै,”हाम्रो हात ट्रिगरमा छ, र बाल-हत्या गर्ने इजरायली शासनको विरुद्धमा यस पटक हामी शत्रुले पहिलो गोली चलाउला र प्रतिकार गरौला भनेर कुर्नेछैनौ, हामि कुनै पनि बेला आक्रमण गर्न तयार छौं। “

वासिङ्टनले लामो समयदेखि तेहरानलाई सबै युरेनियम संवर्धन रोक्न माग गर्दै आएको छ – जुन शर्त इरानले अस्वीकार गर्दै आएको छ । पछिल्लोले आफ्नो आणविक कार्यक्रम शान्तिपूर्ण, कानुनी र आइएइए को पर्यवेक्षणमा रहेको बताएको छ । तेहरानले हाल ६०% शुद्धतामा युरेनियम संवर्धन गर्छ, जुन अहिले निष्क्रिय २०१५ को आणविक सम्झौता अन्तर्गत निर्धारित ३.६७% सीमाभन्दा धेरै माथि छ।

यस वर्षको सुरुमा ट्रम्पद्वारा सुरु गरिएको वार्ता इरानमाथिको आक्रमणपछि समाप्त बहेको थियो। तेहरानले त्यसबेलादेखि वाशिंगटनलाई कूटनीति त्यागेर बल प्रयोग गरेको आरोप लगाएको छ।