कब्जा गरिएको प्यालेस्टिनी भूभागका लागि संयुक्त राष्ट्रसंघका विशेष प्रतिनिधी फ्रान्सेस्का अल्बानीजले इजरायलसँगको सबै व्यापारिक र वित्तीय सम्बन्ध “नरसंहारको अर्थतन्त्र” भएको भन्दै,विश्वका सबै देशहरूलाई इजरायलसँगको सबै व्यापारिक र वित्तीय सम्बन्ध तोड्न र इजरायललाई गरिरहेको हतियार सहयोग पूर्ण रुपमा प्रतिबन्ध गर्दै अन्तर्राष्ट्रिय समर्थन फिर्ता लिन आह्वान गरेकी छिन्।

अल्बानीजले बिहीबार जेनेभामा मानव अधिकार परिषद्मा आफ्नो पछिल्लो प्रतिवेदन प्रस्तुत गर्दै यी टिप्पणीहरू गरेकी थिइन्, जसमा उनले प्यालेस्टिनीहरूमाथि इजरायली दमन र हिंसालाई समर्थन गर्ने दर्जनौं कम्पनीहरूको नाम उल्लेख गरेकी थिइन्।

“कब्जा गरिएको प्यालेस्टिनी भूभागको अवस्था सर्वनाशकारी छ,” उनले भनिन्। “आधुनिक इतिहासको सबैभन्दा क्रूर नरसंहारको लागि इजरायल जिम्मेवार छ।”

कब्जाको अर्थतन्त्रबाट नरसंहारको अर्थतन्त्रसम्म शीर्षकको प्रतिवेदनले “कब्जा गरिएको भूभागमा प्यालेस्टिनीहरूको विस्थापन र प्रतिस्थापन इजरायलको बसोबास-औपनिवेशिक परियोजनालाई कायम राख्ने कर्पोरेट मेसिनरी” भनेर वर्णन गरेको छ।

प्रतिवेदनले हतियार निर्माता, प्राविधिक दिग्गज, भारी मेसिनरी कम्पनीहरू र वित्तीय संस्थाहरू लगायतका कम्पनीहरूलाई इजरायलले प्यालेस्टिनीहरूको दमनमा “सहयोग” गरेकोमा, कब्जा गरिएको भूमिमा इजरायली विस्तारलाई निरन्तरता दिनेदेखि प्यालेस्टिनीहरूको निगरानी र हत्यालाई सक्षम पार्नेसम्मको लागि जिम्मेवार मानेको छ।

प्रतिवेदनमा भनिएको छ कि राजनीतिक नेताहरूले गाजामा इजरायलको रक्तपात रोक्न दबाब दिने आफ्नो जिम्मेवारीबाट पन्छिरहेका छन्, “धेरै कर्पोरेट संस्थाहरूले इजरायलको अवैध कब्जा, रंगभेद र अहिले नरसंहारको अर्थतन्त्रबाट नाफा कमाएका छन्”।

राष्ट्र संघका अनुसार युद्ध सुरु भएदेखि अहिलेसम्म इजरायलद्वारा लगभग ५७,००० प्यालेस्टिनीहरू मारिएका छन्, लाखौं विस्थापित भएका छन्, शहरहरू ध्वस्त पारिएका छन्, अस्पतालहरू र विद्यालयहरूलाई लक्षित गरिएको छ, र घेराबन्दी गरिएको र बमबारी गरिएको एन्क्लेभको ८५ प्रतिशत अब इजरायली सैन्य नियन्त्रणमा छ संयुक्त ।