इंग्लिश क्लब लिभरपुलका पोर्चुगिज स्टार फरवार्ड डिएगो जोटाको कार दुर्घटनामा मृत्यु भएको छ। स्पेनको जामोरा प्रान्तमा भएको दुर्घटनामा जोटाको मृत्यु भएको हो।

२८ वर्षीय जोटा पोर्चुगिज राष्ट्रिय खेलाडी पनि हुन् र उनी इङ्लिस प्रिमियर लिग क्लब लिभरपुलबाट खेलिरहेका थिए। दुर्घटनाको विवरण अझै सार्वजनिक नभए पनि प्रारम्भिक जानकारी अनुसार कार नियन्त्रण बाहिर गई दुर्घटनाग्रस्त भएको थियो।

उनी आफ्नो भाइसँग कारमा थिए। दुवैको मृत्यु भएको छ। रिपोर्टका अनुसार दुर्घटनापछि कारमा आगो लागेको थियो। जोटाको केही दिन अघि मात्र विवाह भएको थियो।