विराटनगर – नेकपा एकीकृत समाजवादी पार्टीका नेता एवम् पूर्वप्रधानमन्त्री झलनाथ खनालले विराटनगरमा सोमबार बिहान सञ्चारकर्मीसँग कुरा गर्दै काँग्रेस एमालेको अधिनायकवादले मुलुकलाई अधोगतितर्फ लगिरहेको बताएका छन् ।

हाल देश राजनीतिक रुपमा संकटग्रस्त बनिरहेको र समग्र अवस्थामा देश कम्जोर बन्दै गइरहेको भन्दै दुई पार्टीको अधिनायकवादले मुलुकलाई अग्रगतितर्फ नभई अधोगतितर्फ धकेलिरहेको बताएका छन्।

सरकारको रवैयाले लोकतान्त्रिक मूल्य मान्यतामाथि चुनौती दिने स्थिति देखा परेको र काँग्रेस एमालेको गठबन्धन सरकार बनेपछि भ्रष्टाचारीले उन्मुक्ति पाइरहेको भन्दै संविधान पूर्ण रुपमा कार्यान्वयन हुन नसकिरहेको अवस्थामा संविधान संसोधनको कुनै औचित्य नरहेको पनि उनले बताएका छन्।