काठमाडौं – सरकारले राष्ट्रिय सभा र प्रतिनिधि सभामा ६ वटा अध्यादेश पेस गरिसकेको छ। प्रतिनिधि सभाको आजको बैठकमा ति अध्यादेशहरू निर्णयार्थ पेस हुँदैछन् । प्रतिनिधि सभाको बैठक दिउँसो १ बजे र राष्ट्रिय सभाको बैठक दिउँसो सवा १ बजे बस्दैछ ।

प्रतिनिधि सभामा सत्तारुढ दलको बहुमत रहेपनि राष्ट्रिय सभाबाट अध्यादेश स्वीकृत गराउन सरकारलाई बहुमत नपुग्ने भएपछी सतारुढ दलका शिर्ष नेताहरु काँग्रेस सभापति देउवा र एमाले अध्यक्ष तथा प्रधानमन्त्री के पी शर्मा ओलीले जसपा नेपाललाई अध्यादेशको पक्षमा समर्थन जनाउनको लागि आग्रह गर्दै आएका छन्।
यो बिचमा यादव र सत्तारुढ दलका शिर्ष नेताहरुबीच पटक-पटक छलफल समेत चलिरहेको छ।

त्यसो त अध्यादेशबारे अध्ययन गर्न जसपाले राजकिशोर यादवको नेतृत्वमा कार्यदल नै बनाएको थियो। कार्यदलले गएको मंगलबार र बुधबार विज्ञसँग छलफल गर्दै उक्त छलफलबाट आएको प्रतिवेदन आजको संसदीय दलको बैठकमा पेस गर्ने पनि जनाएको छ। यधपी, सरकारले ल्याएका अध्यादेशलाई समर्थन गर्ने कि नगर्ने भन्ने विषयमा जसपाले अझै निर्णय गरिनसकेको अवस्थामा सत्तारुढ दलका शिर्ष नेताहरु जसपा नेपाललाई आफ्नो कित्तामा ल्याउन भरमग्दुर प्रयासमा लागेका छन्।

अध्यादेशबारे निर्णय लिनुअघि जनता समाजवादी पार्टी नेपालका अध्यक्ष उपेन्द्र यादवले नेपाली कांग्रेसका सभापति शेरबहादुर देउवा सहितका काँग्रेस नेताहरू र प्रधानमन्त्री एवं एमाले अध्यक्ष ओलीलाई समेत भेटेर छलफल गरिरहेका छन्।