काठमाडौँ: हिउँदे अधिवेशन अन्तर्गतको प्रतिनिधि सभाको दोस्रो बैठक आज बस्दैछ।नयाँ बानेश्वरस्थित संघीय संसद भवनमा बिहीबार दिउँसो १ बजेदेखि बैठक सुरू हुनेछ।

आजको बैठकबाट अध्यादेश पारित गर्नका लागि प्रस्ताव पेस गर्ने कार्यसूची रहेको छ। त्यसैगरी, अध्यादेशलाई अस्वीकार गर्न पेस भएका प्रस्तावहरुलाई पनि आजको प्रतिनिधि सभाको बैठकमा पेस गर्ने कार्यसूची रहेको छ।

प्रतिपक्षी दलका सांसदहरुले अध्यादेश अस्वीकृत गर्न भन्दै प्रतिनिधि सभामा ५० र राष्ट्रिय सभामा १६ वटा प्रस्ताव दर्ता गरेका छन्।

प्रितिनिधि सभामा सत्तापक्षको बहुमत भएकाले त्यहाँबाट अध्यादेश सजिलै पास हुने देखिएको छ। यधपी,राष्ट्रिय सभामा भने सत्तारूढ दलहरूको बहुमत पुग्ने भएकाले प्रधानमन्त्री केपी शर्मा ओली र कांग्रेस सभापति शेरबहादुर देउवाले जसपा नेपालको साथ खोजेका छन्। त्यसका लागि सत्तारुढ दलका शिर्ष नेताहरु उपेन्द्र यादवलाई अध्यादेशको पक्षमा ल्याउन सक्दो कोशिस गरिरहेका छन्।