ब्रसेल्स- युरोपेली विदेश नीति प्रमुख काजा कालासले युरोपेली संघ र अमेरिकाबीच सम्भावित व्यापार युद्धले चीनलाई फाइदा पुग्ने बताएकी छन्।

समुदायको अनौपचारिक शिखर सम्मेलनमा ब्रसेल्स पुगेकी कालासले पत्रकारहरुसंग कुरा गर्दै सो कुरा बताएकी हुन्। पत्रकारहरुसंग कुरा गर्दै उनले भनिन्,”यदी युरोप र संयुक्त राज्य अमेरिकाले व्यापार युद्ध सुरु गरे भने त्यसको फाइदा चीनले लिनेछ ” ।

अमेरिकाले युरोपेली सामानहरूमा कर लगाउनाले दुवै पक्षले उच्च मूल्यवृद्धिको सामना गर्नुपर्ने र अन्य धेरै नकारात्मक परिणामहरू निम्त्याउनेछ र यस्तो निर्णयले रोजगारीमा समेत नकारात्मक असर पार्ने उनले बताएकी छन्।

फेब्रुअरी २ मा, अमेरिकी राष्ट्रपति डोनाल्ड ट्रम्पले युरोपेली राष्ट्रहरुलाई थप भन्सार शुल्क लगाउन सक्ने बताएका थिए।