काठमाडौँ — काठमाडौँमा आयोजीत नेपाल चेम्बर एक्स्पोको उद्घाटन कार्यक्रममा बोल्दै प्रधानमन्त्री केपी शर्मा ओलीले राजनीतिक अस्थिरताले गर्दा देशको अर्थतन्त्रमा नकारात्मक असर पारेको बताएका छन्।

प्रधानमन्त्री ओलीले अर्थतन्त्रमा परेको प्रतिकूल असरबाट देशलाई सहि दिशा र लयमा फर्काउन,देशको व्यापार व्यावसायलाई गतिशील बनाउन र सन् २०२६ बाटै नेपाललाई अल्पविकसितबाट मध्यमस्तरको आय भएको देशमा पुर्‍याउन सबै एकजुट भएर अगाडि बढ्नुपर्ने बताएका छन्।

नेपालले तीव्रताका साथ विकासका कामहरू अघि बढाइरहेको उल्लेख गर्दै आईटी क्षेत्रलाई निर्यात व्यापारको रूपमा अघि बढाउन सकिने हिसाबले सरकार अघि बढेको समेत उनले बताएका छन् । तर पूर्वाधार नभई देशको विकास हुन नसक्ने भन्दै त्यसका लागि पनि सबैको पहल र साथ सहयोगको आवश्यकता रहेको इनले बताएका छन्।