कर्णाली- प्रमुख प्रतिपक्षी दल नेकपा माओवादी केन्द्रले कर्णाली समृद्ध कार्यक्रम कार्यान्वयन नगरेको भन्दै बैठक अवरुद्ध गरेपछि कर्णाली प्रदेशसभाको बैठक माघ २५ गतेसम्मका लागि स्थगित भएको छ।

कर्णाली प्रदेशसभा सचिवालयले सूचना जारी गर्दै बैठक माघ २५ गते सम्मका लागि स्थगित भएको जानकारी गराएको हो।

आइतबार कर्णाली प्रदेशसभाको बैठकमा प्रमुख प्रतिपक्ष दल नेकपा माओवादी केन्द्रले संसद अवरोध गरेपछि आधा घण्टाका लागि स्थगित भएको थियो भने मंगलबार सरकार र माओवादी केन्द्रबीच कुनै सहमति हुननसकेपछि बैठक स्थगित भएको थियो। लगत्तै कर्णाली प्रदेशसभा सचिवालयले माघ २५ गते शुक्रबार दिउँसो ३ बजे बस्ने गरेर स्थगन

तर, आजको प्रदेशसभा बैठक पनि माओवादी केन्द्रका कारण बस्न नसकेपछि माघ २५ गते शुक्रबार दिउँसो ३ बजे बस्ने गरेर प्रदेशसभाको बैठक स्थगन गरेको हो।