अमेरिकी राष्ट्रपति डोनाल्ड ट्रम्पले बोगोटालाई निर्वासित आप्रवासी बोकेका अमेरिकी सैन्य विमानहरू फिर्ता पठाएकोमा कर र भिसा प्रतिबन्धको धम्की दिएको केही घण्टापछि कोलम्बिया संयुक्त राज्य अमेरिकासँगको आसन्न व्यापार युद्धबाट पछि हटेको छ।

कोलम्बियाका राष्ट्रपति गुस्ताभो पेट्रोले अमेरिकी आयातमा प्रतिशोधात्मक कर घोषणा गरेपछि र आप्रवासीहरूलाई स्वीकार नगर्ने बताएपछि अमेरिकाले कोलम्बिया माथि विभिन्न प्रतिबन्धको घोषणा गरेको थियो।

कोलम्बियाका विदेशमन्त्री लुइस गिल्बर्टो मुरिलोले अमेरिकाबाट निर्वासित नागरिकहरूलाई स्वीकार गर्ने बताएका हुन्।

ह्वाइट हाउसको एक विज्ञप्तिमा भनिएको छ कि कोलम्बियाले ट्रम्पका सबै सर्तहरूमा सहमति जनाएको छ, जसमा “संयुक्त राज्य अमेरिकाबाट फर्केका कोलम्बियाबाट सबै अवैध आप्रवासीहरूलाई स्वीकार गर्दै अमेरकि सैन्य जहाजलाई अवतरण गर्न दिनेछ ” ।

बोगोटाले प्रतिबन्ध बिना निर्वासित आप्रवासीहरूलाई स्वीकार गर्न सहमति जनाएपछि अमेरिकाले यस अघि लगाएको सबै प्रतिबन्ध फुकुवा गर्ने पनि जनाएको छ।