काठमाडौं : सभामुख देवराज घिमिरे र सत्तापक्षका मुख्य सचेतकर र प्रमुख सचेतकबीच छलफल चलेको छ।

सभामुखको कार्यकक्षमा संसदको आगामी हिउँदे अधिवेशनका बारेमा सत्तापक्षका मुख्य सचेतक र प्रमुख सचेतकसँग छलफल जारी रहेको सभामुखका प्रेस सल्लाहकार शेखर अधिकारीले जानकारी दिए। उनका अनुसार त्यसपश्चात दिउँसो २ बजे सभामुख घिमिरेले प्रमुख प्रतिपक्ष तथा प्रतिपक्षी दलका प्रमुख सचेतकसँग छलफल गर्ने कार्यतालिका छ।

यसैगरी मंगलबार दिउँसो १ बजे कार्यव्यवस्था परामर्श समितिको बैठक सिंहदरबारमा तय गरिएको सभामुखका प्रेस सल्लाहकार अधिकारीले बताए। विधेयक विचाराधीन रहेका संसदीय समितिका सभापतिसँग अलग-अलग संवाद पनि गरिरहेछन्। संसद् अधिवेशन माघ १८ गतेका लागि आह्वान भएको छ।