रुपन्देही – रुपन्देहीमा आयोजित पत्रकार भेटघाटमा बोल्दै सञ्चार एवं सूचना प्रविधिमन्त्री पृथ्वीसुब्बा गुरुङले राष्ट्रिय सहमतिमा मात्र संविधान संशोधन हुने बताएका छन्।

कांग्रेस-एमालेले संशोधनका लागि एजेण्डा तयार गर्ने र त्यसलाई राष्ट्रिय छलफलमा लैजाने समेत उनले बताएका छन्। यता सरकारले मुलुक र नागरिकको लागि सुशासन कायम गर्न पुराना कानुनलाई अध्यादेशमार्फत संशोधन गर्न खोजेको तर संविधान संशोधनका विषयमा प्रतिपक्षले अनावश्यक प्रचार गरेको भन्दै अध्यादेशको विरोध गर्नुभन्दा यसको विषयवस्तुमा ध्यान दिनुपर्ने बताएका छन्।

सरकारले ल्याएको अध्यादेशको विभिन्न प्रतिपक्षी दलले विरोध गर्नुको कुनै अर्थ नभएको उनको भनाइ छ।