इजरायली सरकारले हिज्बुल्लाह समुहलाई शान्ति सम्झौता छिटो कार्यान्वयन नभएको बताइरहँदा लेबनानी समूह हिज्बुल्लाहले भने इजरायली सेनालाई दुई पक्षले सहमति गरेको युद्धविराम सम्झौताको सर्तहरू अनुरूप देशको दक्षिण क्षेत्रबाट पूर्णरुपमा फिर्ता जान माग गरेको छ।

इजरायल र इरान-सम्बद्ध समूहले नोभेम्बरमा फ्रान्स र संयुक्त राज्य अमेरिकाको मध्यस्थतामा युद्धविराममा सहमति जनाएका थिए , जसले एक वर्षभन्दा बढी समयदेखि चलिरहेको लडाईंको अन्त्य गर्‍यो।

सम्झौता अन्तर्गत, इजरायली सेना लेबनानबाट फिर्ता हुने र हिज्बुल्लाह सेनाले सोमबार समाप्त हुने ६० दिनको अवधिमा दक्षिणी लेबनानबाट फिर्ता हुने भनिएको थियो।

तर हाल आएर इजरायलले राष्ट्रपति डोनाल्ड ट्रम्पको प्रशासनसँग अमेरिकालाई कम्तिमा अर्को महिनाको लागि समयसीमा बढाउनको लागि छलफल गरिरहेको चर्चा चलिरहेको छ।