गाजा युद्धविराम सम्झौताको एक भागको रूपमा इजरायलले ९० प्यालेस्टिनीहरूलाई रिहा गरेको केही घण्टापछि, इजरायली आवास क्षेत्रका मानिसहरुले जेरुसेलमको उत्तरमा कब्जा गरिएका दुई पश्चिम किनारका गाउँहरूमा आक्रमण गरेका छन्। आक्रमणमा प्यालेस्टिनी घर, पसल र अन्य भौतिक संरचना जलेर नष्ट भएका छन्।

प्यालेस्टिनी समाचार एजेन्सी वाफाको अनुसार इजरायली सेनाले रातभरको हिंसाको क्रममा इजरायली आवास क्षेत्रका मानिसहरुलाई समर्थन गरेको थियो र पश्चिम किनारमा गरिएको सैन्य छापामा दर्जनौं प्यालेस्टिनीहरूलाई पक्राउ समेत गरिएको छ।

आइतबार युद्धविराम लागू भएदेखि दक्षिणी गाजाको रफाहमा इजरायली सेनाले गोली हानी मारेका कम्तीमा तीन प्यालेस्टिनीहरूमध्ये एक सानो बच्चा पनि समावेश छ।

अक्टोबर ७, २०२३ देखि इजरायलले गाजामा गरेको युद्धमा कम्तिमा ४७,०३५ प्यालेस्टिनीको मृत्यु भएको छ र १११,०९१ जना घाइते भएका छन्। त्यस दिन हमासको नेतृत्वमा भएको आक्रमणमा इजरायलमा कम्तिमा १,१३९ जना मारिएका थिए र २०० भन्दा बढीलाई बन्धक बनाइएको थियो।