काठमाडौं – नेपाल कम्युनिष्ट पार्टीका महासचिव नेत्रविक्रम चन्दले नेपालको लिपुलेक हुँदै भारत र चीनबीच हुने तीर्थयात्रा र व्यापार मार्ग पुनः खोल्ने सहमतिमा आपत्ति जनाउँदै उक्त सम्झौताले पालको सार्वभौमसत्तामाथि हस्तक्षेप गरेको बताएका छन्।

शनिबार जारी विज्ञप्तिमा चन्दले गत हप्ता चीन भ्रमणका क्रममा भारतका राष्ट्रिय सुरक्षा सल्लाहकार डोभालले बेइजिङमा गरेको सम्झौतामा आपत्ति जनाउंदै
लिपुलेक नाका हुँदै तीर्थयात्रा र व्यापार मार्ग खोल्न चिनियाँ र भारतीय अधिकारीबीच बेइजिङमा भएको सहमतिप्रति गम्भीर ध्यानाकर्षण भएको बताएका छन् ।

नेपालले दाबी गरेअनुसारको प्रमाणिक दस्तावेज भएमा त्यसबेला चीन सरकारले भारतसँग गरेको सम्झौताको पुनर्मूल्याङ्कन गर्न सकिने बताएको पनि चन्दले स्मरण गराए । ‘२०७७ मा नेपालको प्रतिनिधिसभाले कालापानी, लिम्पियाधुरा र लिपुलेक नाकासहितको नक्सा सार्वजनिक गरेको छ,’ चन्दले भने, ‘नेपालसँग सहकार्य नगरी भएको चीन–भारत सम्झौताले नेपालको भूभाग अतिक्रमण गरेको उनले बताए ।

नेपालले आफ्नो स्वाधीनता र अखण्डताप्रति गम्भीर हुनुपर्ने चन्दले बताए । चन्दले नेपाल सरकारसँग लिपुलेक नाका सम्बन्धमा भएको भारत–चीन सम्झौता खारेज गरी राष्ट्रिय अखण्डताको रक्षाका लागि आवश्यक कदम चाल्न माग गरेका छन् ।