कास्की -राष्ट्रिय स्वतन्त्र पार्टीका अध्यक्ष तथा पूर्वगृहमन्त्री रवि लामिछानेसहित ६ जनालाई बयानका लागि कास्की जिल्ला अदालतमा हाजिर गरिएको छ ।

लामिछाने, गोरखा मिडियाका पूर्व उपाध्यक्ष छविलाल जोशी, नेचर हर्ब्सका सञ्चालक रामबहादुर खनाल, लीला पचैन, पूर्व सञ्चालक समितिका सदस्य कृष्ण गुरुङ, पूर्व कोषाध्यक्ष आरती गुरुङ, पूर्व सांसद मीना गुरुङलगायतलाई कास्की जिल्ला अदालतमा पेश गरिएको छ ।

जोशी र पचाईको बयान लिइसकेको भएपनि लामिछानेले भने बयान दिएका छैनन् । पूर्व कोषाध्यक्ष आरती र पूर्व सांसद मीनालाई मंगलबार पक्राउ गरिएको हो ।

आइतबार लामिछानेमाथि थप मुद्दा दायर गरेपछि सोमबार बयान लिने प्रक्रिया सुरु भएको हो । न्यायाधीश नितीज राईको इजलासमा मुद्दा चलिरहेको छ ।