जगन्नाथ गाउँपालिका–५, गोत्री दर्जीटोल केन्द्र बनाएर बाजुरामा शनिबार बिहान गएको भूकम्पमा परी करिब १५ घर पूर्ण क्षति भएको छ भने , करिब १५० घरमा आंशिक क्षति भएको छ।

शनिबार बिहान ४ बजेर १४ मिनेटमा बाजुराको गोत्री आसपास केन्द्रविन्दु भएर ५.२ म्याग्निच्युडको भूकम्प गएको थियो ।

सबैभन्दा बढी क्षति भूकम्पको केन्द्रविन्दु रहेको जगन्नाथ गाउँपालिका–५, गोत्री दर्जीटोलमा भएको जिल्ला प्रशासन कार्यालय बाजुराले जनाएको छ ।भूकम्पले करीब १५ घर पूर्ण क्षति भएको र १५० भन्दा बढी घर आंशिक रूपमा क्षति भएका छ।

उक्त क्षेत्र दुर्गममा रहेको र सबै ठाउँको स्थलगत अध्ययनको विवरण प्राप्त भइनसकेको भएपनि वडा, पालिका, प्रहरी प्रशासनलगायत निकाय उद्धार कार्यमा खटिएका र भूकम्पपछिको आवश्यक कार्य भइरहेको जिल्ला प्रशाशन कार्यालय बाजुराले जनाएको छ ।