हुमन राइट्स वाचले इजरायलले गाजामा प्यालेस्टिनी नागरिकहरूलाई जानाजानी पानीको पर्याप्त पहुँचबाट वञ्चित गरेर “नरसंहारको कार्य” गरेको आरोप लगाएको छ।

हुमन राइट्स वाचले इजरायलले जानाजानी पानी र सरसफाइ पूर्वाधारलाई क्षति पुर्‍याउने कार्य गरेको प्रतिवेदन सार्वजनिक गर्दै यो “मानवता विरुद्धको विनाशको अपराध” भएको बताएको छ ।

यता इजरायलले हुमन राइट्स वाचको रिपोर्टलाई “गलत प्रचार” भन्दै अस्वीकार गरेको छ।

१७९ पृष्ठको प्रतिवेदनमा भनिएको छ, “अक्टोबर २०२३ देखि, इजरायली अधिकारीहरूले जानाजानी गाजा पट्टीमा बाँच्नको लागि आवश्यक पर्ने पानीको पर्याप्त मात्रामा प्यालेस्टिनीहरूको पहुँचमा बाधा पुर्‍याएका छन्”।

“इजरायलले जानाजानी पूर्वाधारलाई क्षति पुर्याएको छ, जसमा सौर्य प्यानल पावर गर्ने उपचार प्लान्टहरू, एउटा जलाशय, र एउटा स्पेयर पार्ट्स गोदामहरू क्षति पुर्याएको र ईन्धन पनि रोकिएको छ” प्रतिवेदनमा उल्लेख छ ।

हुमन राइट्स वाचले, इजरायलले बिजुली आपूर्ति पनि काटेको, मर्मत गर्ने कामदारहरूलाई आक्रमण गरेको र मर्मत सामग्रीको गाजा प्रवेशमा रोक लगाएको बताएको छ।

७ अक्टोबर २०२३ मा हमासले इजरायलमा हमला गरेपछि इजरायलले गाजामा ठूलो सैन्य आक्रमण सुरु गरेको थियो , जसमा करिब १,२०० मानिस मारिएका थिए भने २५१ जनालाई बन्धक बनाएको थियो ।

हमासद्वारा सञ्चालित क्षेत्रको स्वास्थ्य मन्त्रालयका अनुसार गाजामा आक्रमण सुरु भएदेखि कम्तिमा ४५,१२९ व्यक्ति मारिएका छन्। यसले पानीको पहुँच वा अन्य कारणले गर्दा मृत्यु हुनेको संख्याको तथ्यांक भने राख्दैन।