काठमाडौँ — नेकपा (एकीकृत समाजवादी)ले माओवादी केन्द्रसँग एकता गर्न नहुने रायसहितको प्रतिवेदन पेस भएको छ ।

माओवादी अध्यक्ष पुष्पकमल दाहाल र एकीकृत समाजवादीका अध्यक्ष माधवकुमार नेपालले पार्टी एकताको लागि आआफ्नो टीममा छलफल गरी एकता संयोजन समिति बनाउने बताएपनि,महासचिव घनश्याम भूसालले स्थायी कमिटी बैठकमा सो एकता व्यवहारिक रुपमा सम्भव नभएको उल्लेख गरेका छन् ।

एमाले–माओवादी एकताको उदाहरण दिंदै, भूसालले “माथि टाउकामा मात्र एकता गरे असफल हुने” बताएका छन्।

‘नेतृत्वका केही मानिसका सत्तास्वार्थका कारण गरिने एकता भरपर्दो हुँदोरहेनछ भन्ने उदाहरण २०७५ सालमा भएको एमाले र माओवादीका बीचमा भएको एकता, कचिङ्गल र विभाजनले देखाएको छ,’ र ‘त्यस घटनाबाट हामीले धेरै कुरा सिक्नुपर्नेछ उनले भने ।’

बैठकमा बोल्ने क्रम,मा माओवादीसँग एकता गर्दा पार्टी विलय हुने समाजवादिका नेताहरुले बताएका छन् । माओवादीसँग एकताका नाममा संगठन कमजोर हुँदै गएको पनि उनीहरुले बताएका छन्।