काठमाडौं – विगत केही महिना यता निरन्तर उकालो चढ्दै गरेको नेपालको सेयर मार्केटमा बुधबार तीन वर्ष यताकै उच्च कारोबार भएको छ।

साताको चौंथो कारोबारको दिन, बुधबार कुल २१ अर्ब ९१ करोड १५ लाख रुपैयाँ बराबरको कारोबार भएको छ । बुधबार सेयर बजारको परिसूचक नेप्से ६४.२५ अंक बढेको छ । सो अंकको वृद्धिपछि नेप्से परिसूचक २७६०.९० अंकमा कायम भएको छ ।
कुल ३३२ स्क्रिप्सको ५ करोड ९ लाख ६७ हजार ९५१ कित्ता सेयर २१ अर्ब ९१ करोड १५ लाख ३ हजार १६१ रुपैयाँमा खरिद बिक्री भएको छ।

नेप्सेमा १९१ कम्पनीको मूल्य बढ्दा ४४ कम्पनीको मूल्य घटेको छ भने ७ को स्थिर रहेको छ । बुधबार १४ कम्पनीको मूल्य १० प्रतिशतले वृद्धी हुँदा लगभग सबै क्षेत्रका सूचक बढेका छन् । बैंकिङ १, विकास बैंक ३.२, फाइनान्स ८, होटल तथा पर्यटन २.९, हाइड्रोपावर २.१, लगानी ६.८, जीवन बीमा २.१, उत्पादन १.८, माइक्रोफाइनान्स ०.६३, निर्जीवन बीमा १.८७, अन्य ३.९ तथा ब्यापार समूह २.७ प्रतिशतले बढेको छ ।