काठमाडौं – जनतासित सम्बन्धको कडी टुटेकोले, जनताको सुखदुख बुझ्न र उनीहरुको कुरा सन्नुका लागि एकपटक देशव्‍यापी अभियानमा निस्कने बताएका नेकपा माओवादी केन्द्रका अध्यक्ष पुष्पकमल दाहाल प्रचण्डले आगामी निर्वाचनमा माओवादी केन्द्र एक्लै लड्ने बताएका छन्।

केन्द्रीय मूख्यालय पेरिसडाडाँमा शुक्रबारदेखि बसेको पदाधिकारी बैठकमा, “सरकारबाट हट्नुपर्ने परिस्थतिले एक्लै चुनाव लड्ने तयारी गर्न अवसर मिलेको भन्दै २०८४ को चुनाव एक्लै लड्ने निर्णय गरेको प्रचण्डले बताएका छन्।

यसअघि चुनावी गठबन्धन गर्दा पार्टीको विचार र सिद्धान्तहरु जनतामा लैजान अप्ठ्यारो परेको भन्दै, आगामी निर्वाचनमा एक्लै चुनाव लड्नेगरी तयारी गर्नुपर्ने र त्यसैरी एक्लै चुनाव लड्दा मात्रै आफ्नो विचारहरु, राजनीतिक कार्यदिशाहरु र दृष्टिकोणहरु जनतामा सोझै पुग्न सक्ने उनले बताएका छन्।

बैठकले वामपन्थी सहकार्य र एकताको पहलकदमी पनि नछोड्ने निर्णय गरेको र देशभक्त र अग्रगामीहरुको संयुक्त मोर्चा बनाएर कम्युनिष्ट पार्टीको पुनर्गठनका निम्ति निरन्तर अगाडी बढ्ने निर्णय गरेको बताइएको छ।