मिलानको एक अदालतले इटालीकी प्रधानमन्त्री जर्जिया मेलोनीलाई उनको उचाइको बारेमा अपमान गरेकोमा पत्रकार जिउलिया कोर्टेसले €.५००० ) क्षतिपूर्ति तिर्नु पर्ने फैसला गरेको छ। न्यायाधीशले X (पहिले ट्विटर) मा कोर्टेसको टिप्पणीहरू “अपमानजनक” भएको बताए।

केस अक्टोबर २०२१ को हो, जब कोर्टेसले पृष्ठभूमिमा मुसोलिनीको तस्बिरसहित मेलोनीको खिल्ली उडाएको फोटो पोस्ट गरे। त्यसबेला प्रतिपक्षमा रहेकी मेलोनिले उक्त तस्विरलाई लिएर सामाजिक सञ्जालमै कमेन्टमा पत्रकारसंग बहस समेत गरेकी थिइन् । तर पत्रकारले बहसको क्रममा “तिमी मलाई नतर्साउ , जर्जिया मेलोनी। आखिर,तिमी केवल १.२ मिटर (४ फिट) अग्लो छौ । म तिमीलाई देख्न पनि सक्दिन,” भनेर कमेन्ट समेत गरेकी थिइन्।सोहि विषयलाइ लिएर उनले पत्रकार विरुद्द मुद्दा दायर गरेकी थिइन्।

न्यायाधीशले मुसोलिनीसंग उनको फोटो राख्नु कानूनको उल्लङ्घन नगरेको निष्कर्ष निकाले पनि , उनको उचाइको विषयमा कोर्टेसको टिप्पणीको सम्बन्धमा भने मेलोनीको पक्षमा फैसला गरेको हो।

मिडिया रिपोर्टका अनुसार इटालीका प्रधानमन्त्रीको उचाई १.५८ देखि १.६३ मिटर रहेको छ ।

अदालतको फैसलापछि X मा टिप्पणी गर्दै, कोर्टेसले लेखेकी छन् “इटालीको सरकारलाई अभिव्यक्ति स्वतन्त्रता र पत्रकारिताको सम्बन्धमा गम्भीर समस्या छ।”

मेलोनीले पत्रकारलाई अदालत लगेको यो पहिलो पटक भने होइन । गत अक्टोबरमा, रोमको एक अदालतले माफिया विरोधी रिपोर्टर र लेखक रोबर्टो साभियानोलाई २०२१ मा एक टिभी कार्यक्रममा उनको कट्टरपन्थी विरोधी आप्रवासी अडानमा दक्षिणपन्थी राजनीतिज्ञको अपमान गरेकोमा समेत अदालतमा मुद्दा दायर गरिएको थियो जसमा ति पत्रकारले € १००० जरिवाना तिरेका थिए।

२०२४ को विश्व प्रेस स्वतन्त्रता सूचकांकमा, रिपोर्टर्स विदाउट बोर्डर्सले इटालीलाई गत वर्षको तुलनामा पाँच अंक तल झार्दै ४६ औं स्थानमा राखेको छ। संगठनले पत्रकार विरुद्ध बढ्दो मुद्दालाई पनि एउटा कारण मानेको छ ।