इजरायल सरकारले बेला हदीदलाई उनको प्यालेस्टाइन समर्थक अडानका लागि “सेमेटिज्म” को आरोप लगाएपछि जर्मन स्पोर्ट्सवेयर एडिडासले हदिदलाई एडिडासको विज्ञापनबाट हटाएको छ ।

भर्खरै, जर्मन स्पोर्ट्सवेयर एडिडासले रेट्रो-प्रेरित क्लासिक्स लुक्समा एस-एल ७२ पुन: लन्च गरेको छ जसलाई पहिलो पटक १९७२ म्युनिख ओलम्पिकको समयमा प्रदर्शन गरिएको थियो, जहाँ प्यालेस्टिनी ब्ल्याक सेप्टेम्बर समूहले एघार इजरायली खेलाडीहरू र एक जर्मन पुलिस अधिकारीको हत्या गरेको थियो।

हालै पुन: लन्च गरिएको उक्त जुत्ताको विज्ञापनको विषयमा इजरायली विदेश मन्त्रालयले बिहीबार X (पहिले ट्विटर) मा “”अंदाज गर्नुहोस् तिनीहरूको अभियानको अनुहार को हो? बेला हदीद, एक आधा प्यालेस्टिनी मोडेल जसले सेमेटिकवाद फैलाउने र इजरायली र यहूदीहरू विरुद्ध हिंसाको लागि आह्वान गरेको इतिहास छ,”
भनेर लेखेपछि एडिडासले बेलाले गरेको उक्त विज्ञापन परिवर्तन गर्ने जाएको छ।

हदीदका बुबा प्यालेस्टिनी हुन् र उनि नाजारेथमा जन्मेको थिइन् ।गाजामा भैरहेको रक्तपातको अन्त्यको लागि आह्वान गर्दै प्यालेस्टिनी अधिकारका लागि उनले आवाज उठाउँदै आएकी थिइन्। प्यालेस्टिनमा चलिरहेको द्वन्द्वमा ३८००० भन्दा बढी नागरिकको ज्यान गएपछि उनले इजरायली सरकारको चर्को आलोचना समेत गरेकी छन्। सार्वजनिक रूपमा इजरायललाई “नरसंहार” गरेको आरोप लगाउँदै सामाजिक सञ्जाल मार्फत पनि प्यालेस्टाइन समर्थित आवाज उठाउँदै आएकी बेलाले प्यालेस्टिनी द्वन्दमा रहेकाहरुको राहतको लागि १ मिलियन डलर सहयोग समेत गरेकी छन्।

बेला हदिदलाई विज्ञापनबाट हटाउने कदमले सोशल मिडियामा धेरैले एडिडासको यो कदम विरुद्द आक्रोश पोखेका छन्।

एडिडासले यसअघि सन् २०२२ मा पनि यहूदीहरूप्रती गरेको टिप्पणीलाई लिएर अमेरिकी र्‍यापर कान्ये वेस्टलाई पनि आफ्नो विज्ञापनबाट हटाएको थियो।