काठमाडौं – प्रधानमन्त्री ओलीले आइतबार संसदमा विश्वासको मत लिने भएका छन् ।

प्रधानमन्त्रीले नियुक्ति भएको ३० दिनभित्र विश्वासको मत लिनुपर्ने कानुनी प्रावधान रहेको छ, तर प्रधानमन्त्रीलाई तुरुन्तै संसदको विश्वास लिएर काम अघि बढाउन सहजता हुन्छ भनेर आइतबार नै विश्वाशको मत लिने तयारीमा लागेको सत्तापक्षका मुख्य सचेतक महेश बर्ताैलाले बताएका छन्।

प्रचण्ड नेतृत्वको सरकारलाई विस्थापित गर्दै प्रधानमन्त्री बनेका ओलीलाई संसद कै सबैभन्दा ठुलो दल नेपाली कांग्रेसको साथ रहेको छ । अघिल्लो पटक सर्वोच्चको परमादेशबाट प्रधानमन्त्री गुमाएका ओली, यसपटक पनि प्रधानमन्त्री नियुक्त हुनु अगावै उनको नियुक्तिको खारेजीको माग गर्दै सर्वोच्चमा रिट परेको छ।

अदालतले ७६.३ अन्तर्गत सबैभन्दा ठुलो दलको सरकार गठन गर्न मार्ग प्रशस्त गर्न सक्ने चर्चाका बीच ,ओलीले यी सब कुरालाई किनारा लगाउंदै आइतबार विश्वाशको मत लिन लागेका हुन्।