अमेरिकी पूर्व राष्ट्रपति डोनाल्ड ट्रम्पमाथि गोलि प्रहार भएको छ। अमेरिकी पूर्व राष्ट्रपति डोनाल्ड ट्रम्पले पेन्सिल्भेनियामा आफ्ना समर्थकहरूसमक्ष सार्वजनिक सम्बोधन गर्ने क्रममा उनीमाथी गोली चलाइएको थियो।

आफ्नो ट्रुथ सोशल नेटवर्कमा गरेको पोस्टमा ट्रम्पले आफ्नो दाहिने कानको माथिल्लो भागमा गोली लागेको बताउँदै सेक्रेट सर्भिसलाई धन्यवाद दिएका छन् । उनी उपचारपछि केही समयमै अस्पतालबाट निस्किएका थिए ।

बन्दुकधारीलाई सेक्रेट सर्भिस एजेन्टहरूले गोली हानेर मारेका छन्। पत्रकार सम्मेलनमा बोल्दै एफबीआईले बन्दुकधारीको डिएनए परिक्षण पछि मात्र उनको पहिचान सार्वजनिक गर्ने बताएको छ ।
गोली प्रहारबाट एक जना ट्रंप समर्थकको मृत्यु हुनुका साथै अन्य दुई जना घाइते भएका छन् ।

राष्ट्रपति जो बाइडेनले उक्त आक्रमणको कडा निन्दा गर्दै “अमेरिकामा यस प्रकारको हिंसाको लागि कुनै ठाउँ नभएको बताएका छन् । उनले ट्रम्पसँग पनि कुराकानी गरेका छन्