काठमाडौं – नेपाली कांग्रेस कार्यसम्पादन समितिको शनिबार बसेको बैठकले मन्त्रीहरु छनोटको मापदण्ड बनाएको छ । एमाले अध्यक्ष केपी शर्मा ओली नेतृत्वमा बन्ने सरकारमा सहभागी हुने निर्णय गरेसंगै नेपाली कांग्रेसले कार्यसम्पादन समितिको बैठक बाट मन्त्री छनौटको मापदण्ड तय गरेको हो।

कार्यसम्पादन समितिको शनिबार बसेको बैठकले योगदान र योग्यता, समावेशीता र प्रादेशिक सन्तुलन मिलाएर मन्त्री छनोट गरिने निर्णय गरेको प्रवक्ता डा. प्रकाशशरण महतले जानकारी दिएका छन्।

कांग्रेस र एमालेबीच एमाले अध्यक्ष केपी शर्मा ओलीको नेतृत्वमा सरकार गठन गर्ने सहमति भइसकेको छ। उक्त सरकारमा सहभागी हुने मन्त्री छनोटको मापदण्ड बनाउन शनिबार कांग्रेसको बैठक बसेको हो ।