कोपा अमेरिका अन्तर्गत बुधबार भएको खेलमा क्यानडाविरुद्ध २-० को सहज जित हासिल गर्दै अर्जेन्टिना फाइनलमा प्रवेश गरेको छ।

पहिलो हाफको २३ औं मिनेटमा जुनियर अल्भारेजको गोलसंगै सुरुवाती अग्रता बनाएको अर्जेन्टिनाको लागी कप्तान मेसीले खेलको ५१ औं मिनेटमा दोस्रो गोल गरेका थिए।

अर्जेन्टिनाले अब उपाधिका लागि उरुग्वे र कोलोम्बियाबिचको विजेतासगँ खेल्नेछ भने दोस्रो सेमिफाइनल खेल बिहीबार बिहान हुनेछ।

यससँगै मेसी अन्तर्राष्ट्रिय फुटबलमा सर्वाधिक गोल गर्ने सूचीको दोस्रो स्थानमा उक्लिएका छन् । उनको यो अर्जेन्टिनाका लागि १ सय ९ औं गोल हो । पोर्चुगलका क्रिस्टियानो रोनाल्डो १ सय ३० गोलसहित शीर्ष स्थानमा छन् ।