बेलायती राजा चार्ल्स तृतीयलाई क्यान्सर भएको पत्ता लागेको छ, बकिङ्घम प्यालेसले एक विज्ञप्तिमा जनाएको छ । क्यान्सरको प्रकार अझै खुल्न सकेको छैन तर उनको भर्खरको प्रोस्टेटको उपचारको क्रममा क्यान्सर पत्ता लागेको उक्त विज्ञप्तिमा उल्लेख गरिएको छ ।

विज्ञप्तिमा भनिएको छ, “यस अवधिभरि, उनले राज्यको कामकाज र आधिकारिक कागजीकार्यहरू सामान्य रूपमा जारी राख्नुहुनेछ।”

सबै चिकित्सा मुद्दाहरूलाई निजी मामिलाको रूपमा मान्ने शाही परिवारले सामान्यतया रोगहरूको बारेमा विवरण साझा गर्दैन। तर चार्ल्सले ‘ विश्वभरि क्यान्सरबाट प्रभावित सबैलाई क्यान्सरबारेको सार्वजनिक बुझाइमा सहयोग गर्न’ आफ्नो विवरणहरू सार्वजनिक गर्न चाहेको बताइएको छ।

बकिङ्घम प्यालेसबाट यो घोषणा विश्व क्यान्सर दिवसको एक दिन पछि आएको छ ।