धनगढी। नेकपा एमालेका नेता भीम रावलले राजनीति स्वार्थमा केन्द्रित भए देशमा विकास र समृद्धि सम्भव नहुने बताएका छन् ।
कञ्चनपुरको महेन्द्रनगरमा भएको मुख्यमन्त्री कप भलिबल प्रतियोगिताको समापन समारोहमा उनले प्रधानमन्त्री र मन्त्री बन्न र सरकार परिवर्तनमा मात्रै नेताको ध्यान केन्द्रित हुन नहुने बताएका छन्।
छिमेकी भारत र चीनको विकास तीव्र गतिमा भइरहेका बेला नेपाल आफ्नै भूराजनीतिक कारणले पछाडि परेको उनले बताएका छन्। दुई देशबीचको अत्यन्तै संवेदनशील भूराजनीति भएको नेपाल कमजोर हुँदा शासन प्रणाली व्यक्तिगत स्वार्थमा केन्द्रित भए खेलकुद, कृषि, स्वास्थ्य र अर्थतन्त्रको विकास कहिले गर्ने ? युवालाई रोजगारी कहिले दिने ? रावलले भने, ‘सरकार कहिले बदल्ने, को मन्त्री र प्रधानमन्त्री को बन्ने भन्ने निर्णय मात्रै गरे भने देशको विकास हुन सक्दैन ।
रावलले मुलुकको अर्थतन्त्र सुधार, अतिक्रमित सिमाना फिर्ता, कृषि क्षेत्रको विकास र रोजगारी वर्तमान समयको मुख्य आवश्यकता रहेको समेत बताएका छन् ।
आफ्नो प्रतिक्रिया दिनुहोस्