काठमाडौं – काठमाडौं महानगरपालिकाले महानगरभित्र सञ्चालित पेट्रोल पम्पले अब अनिवार्य पहेँलो रङ लगाउनुपर्ने मापदण्ड लागू गर्ने निर्णय गरेको छ ।

सरोकारवालासँगको बैठकपछि कामपाले पेट्रोल पम्पलाई पहेँलो रंग लगाउने निर्णय गरेको हो । साथै, इन्धन रिफिलिङ सेन्टरले आ–आफ्नो परिसरमा शौचालय निर्माण गरी ग्राहकलाई निःशुल्क सेवा उपलब्ध गराउनु पर्ने समेत बताएको छ ।

इन्धन भर्ने कर्मचारीले खैरो रङको व्यक्तिगत सुरक्षात्मक उपकरण लगाउनु पर्नेछ भने इन्धन स्टेशन क्षेत्रको हरियाली कायम राख्नुपर्नेछ। कामपाले पेट्रोल पम्पका कर्मचारीलाई आगो नियन्त्रणसम्बन्धी आधारभूत तालिम दिने घोषणा समेत गरेको छ ।