मध्यपूर्वमा रहेको अमेरिकी सैन्य आधार शिविरमा भएको आक्रमणमा ३ अमेरिकी सेनाको मृत्यु भएको छ भने आक्रमणमा परि घाइते हुनेको संख्या ३४ पुगेको छ ।

जोर्डनस्थित अमेरिकी सैन्य शिविरमा भएको आक्रमणमा ३ जनाको मृत्यु भएको र घाइते हुनेको संख्या ३४ पुगेको अलजजिराले जनाएको छ । स्रोतका अनुसार वाशिंगटनले आक्रमण गर्ने सशस्त्र समूहको पहिचान गर्न काम गरिरहेको छ।

यसअघि, ह्वाइट हाउस प्रेसले सार्वजनिक गरेको अमेरिकी राष्ट्रपति जो बाइडेनको एक विज्ञप्तिमा , उत्तरपूर्वी जोर्डनको सिमा नजिकै तैनाथ अमेरिकी सेनाहरूमा ड्रोन आक्रमण भएको उल्लेख गरिएको थियो। अमेरिकाले, सिरिया र इराकमा सक्रिय इरान समर्थित कट्टरपन्थी सशस्त्र समूहले आक्रमण गरेको बताएको छ ।

यता, इरानले भने जोर्डनमा भएको ड्रोन आक्रमणमा आफ्नो संलग्नता अस्वीकार गरेको छ। इरानी विदेश मन्त्रालयले आक्रमणसंग इरानको कुनै सम्बन्ध र सरोकार नभएको उल्लेख गरेको छ।