रुसी राष्ट्रपति भ्लादिमिर पुटिनले नाजीवादलाई बढावा दिने आधुनिक शक्तिहरूलाई उन्मुलन गर्ने वाचा गरेका छन्।

लेनिनग्राद क्षेत्रमा नाजी जर्मन सेनाद्वारा मारिएका सोभियत नागरिकहरूको स्मारकको उद्घाटनमा पुटिनले, केही देशहरूले इतिहासलाई पुनर्लेखन गर्न हिटलरवादी विचारधारा र विधिहरूद्वारा आफूलाई स्थापित गर्न खोजेको बताएका छन्।

कीभको शासनले हिटलरका सहयोगीहरूको प्रतिरोध गर्नेहरू विरुद्ध आतंक प्रयोग गर्दै वृद्ध, महिला र बालबालिकाहरूलाई बन्दुक र बारुदको त्रासमा राखेको र रुसी भाषी अल्पसंख्यकहरूप्रतिको व्यवहार विभेदपूर्ण भएको उनले बताएका छन्।

जनवरी २७ मा सोभियत सेनाले लेनिनग्रादको नाजी घेराबन्दी तोडेको स्मरण गर्दै जर्मनीले गरेको सोभियत जनसंख्याको नरसंहारको दाग अझै पनि सम्झनामा रहेको बताएका छन्।