काठमाडौं – आइसिसी यु–१९ विश्वकपमा नेपाली यू–१९ क्रिकेट टोली आज पाकिस्तानसँग खेल्दैछ। दक्षिण अफ्रिकाको बफेलो पार्क क्रिकेट मैदानमा हुन लागेको उक्त खेल नेपाली समयअनुसार दिउँसो १ : ४५ बजे पाकिस्तानसँग सुरु हुनेछ।

यस अघिको पहिलो खेलमा नेपाल न्यूजिल्यान्डसँग ६४ रनले पराजित भएको थियो भने आजको दोश्रो खेल पाकिस्तानसंग हुनेछ । आजको खेलमा नेपाली खेलाडीहरुको टोलीमा देव खनाल (कप्तान), आकाश चन्द, अर्जुन कुमाल, दीपकप्रसाद डुम्रे, दुर्गेश गुप्ता, गुलसन झा, दिपेशप्रसाद कंडेल, विशालविक्रम केसी, दीपक बोहोरा, दीपक बोहोरा, सुवास भण्डारी, उत्तम थापामगर, विपिन रावल, तिलकराज भण्डारी र आकाश त्रिपाठी रहेका छन् ।