संयुक्त राज्य अमेरिका र बेलायतले यमनमा हुथी लडाकुहरु विरुद्ध संयुक्त हवाई आक्रमणको नयाँ श्रृंखला सञ्चालन गरेका छन्।

पेन्टागनले सोमबारको आक्रमणले भूमिगत भण्डारण स्थल र हुथी मिसाइल र निगरानी क्षमता सहित आठवटा क्षेत्रमा आक्रमण गरेको जनाएको छ।इरान समर्थित हुथीहरूले महत्वपूर्ण लाल सागर व्यापार मार्गबाट यात्रा गर्ने इजरायल र पश्चिमसँग जोडिएका जहाजहरूलाई निशाना बनाइरहेका बेला संयुक्त राज्य अमेरिका र बेलायतले भने “वाणिज्यको स्वतन्त्र प्रवाह” को रक्षा गर्न कोशिस गर्दै यस्तो कदम चाल्नुपरेको बताएको छ ।

पेन्टागनले जारी गरेको संयुक्त विज्ञप्तिले हुथीहरू विरुद्ध “आनुपातिक र आवश्यक स्ट्राइकहरूको थप चरण” पुष्टि गरेको छ। विज्ञप्तिमा भनिएको छ: “हाम्रो उद्देश्य तनाव कम गर्न र लाल सागरमा स्थिरता पुनर्स्थापना गर्नु रहेको छ र हाम्रो जीवनको रक्षा गर्न र वाणिज्यको स्वतन्त्र प्रवाहलाई अगाडी बढाउन निरन्तर खतराहरूको सामना गर्न तयार छौं भन्दै हठी नेतृत्वलाई चेतावनी दीइएको छ ।”

यमनमा हुथी बिरुद्ध अमेरिकाले गरेको यो आठौं हमला हो। ११ जनवरीमा संयुक्त हमला गरेपछि बेलायतसँगको यो दोस्रो संयुक्त अभियान हो।संयुक्त विज्ञप्तिमा अष्ट्रेलिया, बहराइन, क्यानडा र नेदरल्याण्डको सहयोगमा युद्ध गरिएको बताइएको छ।

सोमबारको आक्रमणमा वाहक युएसएस आइसेनहोवरका अमेरिकी लडाकु विमानहरू संलग्न थिए।चार आरएएफ टाइफुन, भ्वाएजर ट्याङ्करहरू र अमेरिकी सेना सामेल भएको बेलायतको रक्षा मन्त्रालयले जनाएको छ ।

युकेका रक्षा सचिव ग्रान्ट शप्प्सले व्यापारिक ढुवानीमा हुथीहरूको “असहनीय हमलाहरू” विरुद्ध “आत्मरक्षा” को रूपमा स्ट्राइकहरू गरिएको बताएका छन्।
यधपी,यो बुझिएको छ कि युके कमन्सका अध्यक्ष सर लिन्डसे होइल र विपक्षी नेता सर केयर स्टाररलाई नयाँ स्ट्राइकहरूको बारेमा अग्रिम जानकारी दिइएको थिएन।