भिजिट भिसामा विदेश जानका लागि नयाँ व्यवस्था

  • नेपाल राष्ट्रिय दैनिक
  • ९ माघ २०८०, मंगलवार २०:५७
visit visa

काठमाडौँ- सरकारले भिजिट भिसामा विदेश जानका लागि नयाँ व्यवस्था गरेको छ ।

बुधबारदेखि नेपाली यात्रुका लागि नयाँ व्यवस्था लागू हुने अध्यागमन विभागले ट्राभल एडभाइजरीमा जनाएको छ ।यसअघि भिजिट भिसामा विदेश जानका लागि अङ्ग्रेजी भाषा जान्ने, कक्षा १२ पास गरेको लगायत १७ मापदण्ड तोकिएको थियो ।

बुधबारदेखि भिजिट भिसामा विदेश जाने यात्रुले अन अराइभल भिसा बाहेक अन्य देशको वैध भिसासहित ६ महिनाको वैधता भएको राहदानी, दुईतर्फी हवाई टिकट र होटल बुकिङ र अमेरिकी डलर ५०० साटेको प्रमाण बोक्नुपर्नेछ ।

यदि यात्री आफ्नो आफन्तको आवासमा बस्दै हुनुहुन्छ भने होटल बुकिङ आवश्यक पर्दैन। त्यस्ता यात्रुहरूले आफन्तसँगको सम्बन्ध प्रकट गर्ने कागजात पेश गर्नुपर्छ।

त्यस्तै, सरकारी वा गैरसरकारी संस्थाहरूले कसैलाई आमन्त्रित गरेमा अमेरिकी डलर सटही आवश्यक पर्दैन र त्यस्ता संस्थाहरूले यात्रा खर्च व्यहोर्नेछन्। प्रावधान अनुसार यात्रुले निमन्त्रणा पत्र भने पेश गर्नुपर्नेछ।

त्यसैगरी युनाइटेड अरब इमिरेट्स, बहराइन, कुवेत, कतार, ओमान र साउदी अरेबिया भ्रमण भिसामा जाने यात्रुहरूले आफूले यात्रा बाहेक अन्य काममा संलग्न नहुने उल्लेख गरेको स्वघोषणा फारम भर्नुपर्नेछ।सरकारले भिसाको उद्देश्य बाहेकका काममा संलग्न नहुन र भिसा अवधिभित्र स्वदेश फर्किन अनुरोध गरेको छ ।सरकारले भिजिट भिसामा जानका लागि थप शुल्क नलाग्ने बताउँदै बिचौलियाको झुटो आश्वासनमा नपर्न सबैलाई अनुरोध गरेको छ ।

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५