सेवाग्राहीलाई तत्काल सवारी चालक अनुमतिपत्र उपलब्ध गराउन प्रधानमन्त्रीको निर्देशन

  • नेपाल राष्ट्रिय दैनिक
  • ९ माघ २०८०, मंगलवार ०९:५९
prachanda

काठमाडौं: प्रधानमन्त्री पुष्पकमल दाहालले लामो समयदेखि पालो पर्खिरहेका सेवाग्राहीलाई तत्काल सवारी चालक अनुमतिपत्र उपलब्ध गराउन निर्देशन दिएका छन् ।

ड्राइभिङ लाइसेन्स , राष्ट्रिय परिचयपत्र र राहदानी वितरणसम्बन्धी काम गर्ने अधिकारीसँगको संयुक्त बैठकमा प्रधानमन्त्रीले सवारी चालक अनुमतिपत्रका लागि आवेदन दिने १४ लाख आवेदकलाई तत्कालै सवारी चालक अनुमतिपत्र वितरण गर्न निर्देशन दिएका हुन् ।

ड्राइभिङ लाइसेन्सको परीक्षा उत्तीर्ण गरेर पनि सवारी चालक अनुमतिपत्र पाउन नसक्नु गम्भीर विषय भएको बताउँदै प्रधानमन्त्री दाहालले सवारी चालक अनुमतिपत्र वितरणमा ढुक्क हुन यातायात व्यवस्था विभागलाई सचेत गराए । ‘अहिलेको समयमा सूचना प्रविधि महत्वपूर्ण छ, एकीकृत प्रविधिमा आधारित नतिजा दिनुपर्छ, त्यसका लागि राज्यका संयन्त्रबीच समन्वय आवश्यक छ’, प्रधानमन्त्री प्रचण्डले भने ।

सो अवसरमा प्रधानमन्त्रीले सरकारी कार्यालयमा लामो लाइनको अन्त्य गर्ने आफ्नो प्रतिबद्धताको स्मरण गराउदै, कार्यालयको दक्षता अभिवृद्धि गर्दै गुणस्तरीय सेवा प्रवाहमा गम्भीर ध्यान दिन पनि पदाधिकारीहरुलाई आग्रह गरेका छन् ।

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५