काठमाडौं : संघीय मामिला तथा सामान्य प्रशासन मन्त्रालयले आन्तरिक रोजगारीको विवरण उपलब्ध गराउन सबै स्थानीय तहलाई अनुरोध गरेको छ ।

मन्त्रालयले सोमबार एक सूचना जारी गर्दै गत आर्थिक वर्षमा कार्यान्वयनमा आएका रोजगारी सिर्जना सम्बन्धी आयोजना तथा कार्यक्रमको विवरण उपलब्ध गराउन स्थानीय तहलाई अनुरोध गरेको छ । सुचना अनुसार सात दिनभित्र विवरण बुझाउनुपर्नेछ ।

आर्थिक वर्ष २०८१/८२ देखि ‘घरेलु रोजगार प्रवद्र्धन दशक’ अभियान सञ्चालन गर्न कानुनी र नीतिगत संरचना निर्माण गर्न, घरेलु रोजगार प्रवद्र्धन गर्ने निकायलाई पूर्ण जवाफदेही बनाउन,स्थानीय तह अन्तर्गतका रोजगार सेवा केन्द्रहरूबाट एकीकृत श्रम तथा रोजगारी सेवा प्रवाह गर्ने र एकीकृत रूपमा रोजगारीसम्बन्धी गतिविधि विस्तार गर्न मन्त्रालयले स्थानीय तहसँग विवरण माग गरेको हो ।