रूस र बेलारुस भविष्यमा नेटोसँग प्रत्यक्ष द्वन्द्वमा जान सक्ने बेलारूसी रक्षा मन्त्री भिक्टर ख्रेनिनले बताएका छन्।

मस्कोमा आयोजित अन्तर्राष्ट्रिय सुरक्षा सम्मेलनमा उनले,युक्रेनको द्वन्द्व पश्चिम र पूर्व बीचको विश्वव्यापी टकरावमा परिणत भएको चेतावनी दिंदै भविष्यमा नेतोसंग प्रत्यक्ष युद्दमा जान सक्ने सम्भावना बढ्दै गएको बताएका छन्

मस्कोले बेलारुसमा तैनाथ गरेको हतियारलाई लिएर प्रश्न र शंकाहरु उत्पन्न भैरहेको बेला,अमेरिकाले युरोपबाट आफ्नै आणविक क्षेप्यास्त्रहरू र तिनीहरूसँग सम्बन्धित पूर्वाधारहरू हटाएमा मात्र रुसले बेलारुसमा तैनाथ आफ्नो हतियार हटाउने जनाएको छ।

यता,युक्रेनका पश्चिमी समर्थकहरूले भने युक्रेनको द्वन्द्वमा प्रत्यक्ष रूपमा सहभागी नभएको दाबी गरेका छन्, यधपी, युरोप र अमेरिकाले उपलब्ध गराएका लडाकु विमानहरू र लामो दुरीका क्षेप्यास्त्रहरूले नै युक्रेनलाई रूससँगको प्रत्यक्ष झडपलाई उक्साउन मदत गर्दै आएको छ । मस्कोको बारम्बार चेतावनीलाई बेवास्ता गर्दै युक्रेनलाई उपलब्ध गराएको हतियार प्याकेजले अमेरिका र नाटोलाई द्वन्द्वमा सक्रिय सहभागिताको नजिक ल्याएको मस्कोले बताएको छ ।

रुस र युक्रेनको लडाई युक्रेनको भूभागमा पश्चिम र पूर्वबीचको विश्वव्यापी टकरावमा परिणत भएको र युक्रेन प्रोक्सी युद्धले वास्तवमा सिङ्गो ग्रहलाई नै तेस्रो विश्वयुद्धको छेउमा पुर्याएको ख्रेनिनले बताएका छन्।