सर्वोच्चको आदेशले अत्तालिएको सत्ता गठबन्धनको बालुवाटारमा आकस्मिक बैठक

  • नेपाल राष्ट्रिय दैनिक
  • २९ श्रावण २०८०, सोमबार १८:३७
baluwatar meeting

काठमाडौँ- सर्वोच्च अदालतले ललिता निवास प्रकरणमा नीतिगत निर्णयमा संलग्नमाथि पनि अनुसन्धान गर्न दिएको आदेश र गौर हत्याकाण्ड पीडित संघर्ष समिति र गृह मन्त्रालयबीच भएको ५ बुँदे सहमतिले सरकारमा सामेल नेताहरुनै अनुसन्धानको दायरामा तानिने भएपछी सत्तारुढ दलहरुको आकस्मिक बैठक यतिबेला प्रधानमन्त्री निवास बालुवाटारमा चलिरहेको छ।

ललिता निवास प्रकरणमा सर्वोच्च अदालतको आदेश अनुसार पूर्वप्रधानमन्त्रीद्वय डा. बाबुराम भट्टराई र माधव कुमार नेपाल समेत अनुसन्धानको दाएरामा तानिने भएका छन् भने, गौर हत्याकाण्ड पीडित संघर्ष समिति र गृह मन्त्रालयबीच भएको ५ बुँदे सहमति अनुसार जसपा नेता उपेन्द्र यादव समेत अनुसन्धानको दायरामा तानिने भएका छन्।

यसअघि, यादवले गौर हत्याकाण्ड पीडित संघर्ष समितिसंग गरिएको सहमति कार्यान्वयन गर्ने दिशामा अघि बढाइए सरकारबाट समेत अलग हुनुपर्ने अवस्था आउन सक्ने बताएका थिए।

बालुवाटारमा जारी गठबन्धनको बैठकमा महान्यायाधिवक्ता दीनमणि पोखरेललाई पनि राखिएको छ भने बैठकले संसदको अवरोध अन्त्य गर्ने विषयमा पनि छलफल गर्ने बताइएको छ।

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५