नेपाली युवाहरुले बनाएको ‘सवारी’ राइड सेयरिङ एपको सुरुवात

  • नेपाल राष्ट्रिय दैनिक
  • २३ श्रावण २०८०, मंगलवार ०५:०४
sawari

श्रावण २3 , काठमाडौँ- नेपालमा अहिले एक दर्जनभन्दा धेरै राइड सेयरिङ प्लेटफर्महरुबिच तिब्र प्रतिस्पर्धा चलिरहेको बेला नेपाली युवाहरुले बनाएको नयाँ राइड सेयरिङ सुविधा सहित “सवारी” ले सोमबारबाट आफ्नो सेवा सुरु गरेको छ ।

विदेशी होइन, स्वदेशी एप प्रयोग गरौं, नेपालको अर्थतन्त्र विदेशमा नपठाऔँ’ भन्ने नारा लिएर सुरुवात भएको सवारी राइड सेयरिङ एप उपत्यकाका ३ जिल्लासहित उपत्यका बाहिर चितवन, बुटवल, भैरहवा, नेपालगन्ज र धनगढी बाट एकैसाथ संचालनमा आएको छ। सवारी एप अन्तर्गत तराईका जिल्लाहरुमा मोटरबाइक र ट्याक्सी बाहेक टेम्पो र ३ पाङ्ग्रे अटोको पनि सुबिधा थप गरिएको छ।

सवारीमा हरेक राइड लिँदा ग्राहकले भुक्तानी गर्ने पैसामा ३ प्रतिशत क्यासब्याकको पनि सुविधा रहेको छ भने,उक्त क्यासब्याकलाई भविष्यमा प्रयोग गर्न सकिने गरी एपको विकास गरिएको छ । सवारीले राइडरमार्फत बाइकसँग १० प्रतिशत र अटाे तथा गाडीसँग ८ प्रतिशत कमिसन लिनेछ, जसअन्तर्गत एप निर्माता कम्पनि सवारी आँफैले बिमाको शुल्क तिर्नेछ।

सवारीका संस्थापक प्रसिद्ध नेपाल र सहसंस्थापक खगेन्द्र नेपालले सवारी एपमा राइड सेयरिंग बाहेक ड्राइभिङ ट्रेनिङ सेन्टर पनि बुक गर्न सकिने लगायतका अन्य सुविधा पनि लिन सकिने जनाएका छन्। कसैलाई ड्राइभिङ सिक्न मन लागेमा एपबाट नै आफू भएको क्षेत्रको पाँच किलोमिटर क्षेत्रभित्रका ड्राइभिङ सेन्टरमा बुक गर्न सकिने र सवारी एप मार्फत रजिस्टर भएका सेवाग्राहीले थप छुट र अन्य सहुलियतको सुविधा समेत प्राप्त गर्न सक्नेछन। ड्राइभिङ सेन्टरको सुविधा लिने ग्राहकबाट सवारीले कुनै शुल्क भने लिनेछैन। यधपी सवारी मार्फत ड्राइभिङ सिक्न चाहनेहरुको लागि थप सहुलियतमा प्याकेजहरु उपलब्ध गराउनेछ।

Share :
nepali congress baithak mahasamiti

कांग्रेसको महासमिति बैठक ६ वटा भातृ संगठद्वारा बहिस्कार

ललितपुर - नेपाली कांग्रेसको महासमिति बैठक उद्घाटन भएकै दिन काँग्रेसको ६ वटा भातृ संगठनले महासमिति बैठक बहिस्कार गरेका छन्। नेपाल शिक्षक संघ, नेपाल डेमोक्र्याटिक लयर्स एसोसियसन, नेपाल ट्रेड युनियन कांग्रेस, नेपाल डेमोक्र्याटिक इन्जिनियर्स नेपाल, नेपाल प्रेस युनियन र प्रजातन्त्रवादी संगठनले संयुक्त रुपमा सभापति देउवालाई ध्यानाकर्षण पत्र बुझाएर महासमिति बैठक बहिष्कारको घोषणा गरेका हुन्। विधानको व्यवस्थाविपरीत निर्वाचित अध्यक्षहरूलाई आमन्त्रित महासमिति सदस्य[...]

  • नेपाल राष्ट्रिय दैनिक
  • २०७८-०६-०४ , ०९:४५