पाकिस्तानका पूर्वप्रधानमन्त्री एवं पाकिस्तान तहरीक–ए–इन्साफ (पीटीआई) पार्टीका प्रमुख इमरान खानलाई भ्रष्टाचारको आरोपमा तीन वर्षको जेल सजाय सुनाइएको छ। कैद सजायसंगै उनलाई पाँच वर्षसम्म राजनीतिमा भाग लिन रोक लगाइएको छ।

खानलाई कार्यालयमा प्राप्त उपहारहरू बेचेर कमाएको पैसा घोषणा नगरेकोमा दोषी ठहर गर्दै ३ वर्षको कैद सजाए सुनाइएको हो । उपहारहरू $ ६३५,000 भन्दा बढी मूल्यको रिपोर्ट गरिएको छ जसमा रोलेक्स घडीहरू, एक औंठी र कफ लिङ्कहरूको एक जोडी समावेश भएको जनाइएको छ । यधपी, खानले आरोप अस्वीकार गर्दै पुनरावेदन गर्ने बताएका छन् ।

अदालतको फैसलापछि खानलाई लाहोरस्थित उनको घरबाट हिरासतमा लिइएको थियो ।खानद्वारा पूर्व रेकर्ड गरिएको बयान जसलाई अदालतको फैसलापछि पोस्ट गरिएको थियो, त्यसमा उनले आफ्ना समर्थकहरुलाई सत्तारूढ दलको विरोधमा देशव्यापी विरोध प्रदर्शनको लागि आह्वान गरेका छन्।

पूर्व क्रिकेटरबाट राजनीतिज्ञ बनेका ७० वर्षीय खान २०१८ मा निर्वाचित भएका थिए, तर गत वर्ष पाकिस्तानको शक्तिशाली सेनासँग बाहिरिएपछि अविश्वासको मतमा उनि सरकारबाट बाहिरिएका थिए ।

खानले पदबाट हटेदेखी १०० भन्दा बढी मुद्दाहरूको सामना गरिरहेका छन् र ति सम्पूर्ण आरोपहरू राजनीतिक रूपमा प्रेरित भएको उनको भनाइ छ।